Hiruhileko amaieran eta azterketen aurretik, 4. DBHko ikasleak, irakasleen konpainian, txango bat egin zuten Arabako Gesaltza de Añana herrira, eta Valle Saladoko interpretazio zentroa bisitatu zuten.
Salinas de Añana munduko gatz fabrikarik zaharrenetakoa da, 6.500 urteko historiarekin. Bisitak interes berezia du hain ugaria eta hain merkea den gatzak garai batean halako garrantzia izan zezakeela kontuan hartzen badugu. Gatza ezinbestekoa zen eta da industria prozesu askotan, baita gure dietan ere. Eta are gehiago hozte-sistema industrialak oraindik garatu gabe zeudenean, elikagaiak egoera onean kontserbatzeko metodorik eraginkorrenetariko bat baitzen.
Gatz-paisaia, munduan paregabea, ikasleek gidari adituek lagunduta bisitatu zituzten milaka plataforma edo larrarazle, iturri, ubide, putzu eta biltegik osatzen dute. Gainera, gatza ateratzeko eta tratatzeko prozesu tradizionala gertutik ezagutu ahal izan zuten.
